Вовед

АПРЗ е основана со Закон (Сл.весник бр.3/98), со поддршка од Проектот од Светска Банка, а во согласност со стратегијата за развој на земјоделството на РМ 1995- 2010 год. се применија реформи, со што се изврши трансформацијата на поранешните индивидуални Центри за развој во АПРЗ и се создаде основа за квалитетна советодавна услуга вo земјоделството. Од 2005 год. со примена на заклучоци на Влада за рационализација на јавната администрација, АПРЗ премина во буџетски корисник од втор ред. Согласно Законот со АПРЗ управува Управен Одбор во кој членуваат 6 претставници на индивидуалните земјоделски производители и 3 претставници од научните институции.
Во моментот се имплементира Проект – МААСП (Програма за поддршка на советодавните услуги во земјоделството во Р. Македонија), кој покрај другите цели и активности, треба да овозможи зголемена функционалност на советодавната услуга во АПРЗ.

Надлежности:

АПРЗ е одговорна за давање на стручна помош на индивидуалните земјоделски производители (ИЗП), со цел зголемување на квалитетот и квантитетот на земјоделското производство и негова поголема искористеност.
Нејзината надлежност опфаќа давање непосредна советодавна помош на ИЗП за примена на соодветни мерки во процесот на земјоделското производство со практична имплементација на научните и техничките сознанија насочени според потребите на пазарот, соработка и зајакнување на земјоделските здруженија, извршување на мерки со цел спроведување на Владината програма за поттикнување на развојот на земјоделството, воспоставување и користење на информативни системи во земјоделското производство со воспоставување на евиденција за следење на неговата рентабилност и економичност, изготвување на информативни гласила со опфатеност на домашни и странски извори на информации од областа на земјоделството, наменети за ИЗП и обратно, од ИЗП кон другите заинтересирани фактори – институции.